តើបងប្អូនណាខ្លះ មានបំណងចង់ជាវនាឡិកាសម្រាប់ប្រើប្រាស់ តែមិនដឹងថាគួរជ្រើសរើសដោយរបៀបណា? ចុះបងប្អូនមួយចំនួនទៀតដែលមាននាឡិកាហើយ តែមិនច្បាស់ក្នុងកាប្រើប្រាស់?  ចំពោះបងប្អូនដែលជួបប្រទះនឹងបញ្ហាខាងលើ អត្ថបទនេះគឺសម្រាប់បងប្អូនហើយ។

១ ចេះជ្រើសរើសនាឡិកាឲ្យបានត្រឹមត្រូវ

ពេលជ្រើសរើសនាឡិកា ជាដំបូងគេបង្អស់ បងប្អូនត្រូវមើលថា តើម៉ូតនាឡិកានេះជាស្តាយ៍របស់យើង ឬទេ? ទីពីរ តើវាត្រូវនឹងឪកាសដែលយើងនឹងពាក់វាដែរឬទេ?

ជាទូទៅនាឡិកាមានដូចជានាឡិកាដៃពាក់ពេលលេងកីឡា ពាក់ទៅធ្វើការ ឬនាឡិកាពាក់ចូលរួមកម្មវិធីជាដើម។ ដូច្នេះបងប្អូនគួរប្រើប្រាស់វា ឲ្យត្រូវនឹងកម្មវិធី ឬស្ថានភាព។ មិនគួរពាក់នាឡិកាដៃបែបកីឡា ទៅពាក់ចូលរួមកម្មវិធីនោះឡើយ។

ក្រៅពីនេះបងប្អូន ត្រូវមើលពីទំហំនាឡិកាដែលសាកសមនឹង ក ដៃរបស់យើង។ ការពាក់នាឡិកាដៃដែលតូចឬធំពេក ធៀបនឹងក ដៃ ធ្វើឲ្យមើលទៅមិនសម និងបាត់បង់សោភណភាពរបស់យើងមួយកម្រិតដែរ។

 ២ ការប្រើប្រាស់នាឡិកាឲ្យបានត្រឹមត្រូវ

សម្រាប់ការពាក់នាឡិកា វាអាស្រ័យលើដៃដែលបងប្អូនប្រើប្រាស់។ ប្រសិនបើបងប្អូនប្រើដៃស្តាំ បងប្អូនគួរតែពាក់នាឡិកាលើដៃឆ្វេង។ តែបើបងប្អូនទម្លាប់ក្នុងការពាក់នាឡិកា លើដៃដែលបងប្អូនប្រើប្រាស់ក៏ពុំមានជាបញ្ហាអ្វីដែរ។

ក្រៅពីនេះ បងប្អូនត្រូវស្វែងយល់ពីការប្រើប្រាស់មុខងារនាឡិកាឲ្យបានត្រឹមត្រូវ ដូចជាការកំណត់ថេរៈវេលា ការកំណត់កាលបរិច្ឆេទ ការវាស់ចម្ងាយ ឬល្បឿន  និងមុខងារដទៃទៀតជាដើម ដើម្បីបង្កើនប្រសិទ្ធភាពនៃការប្រើប្រាស់នាឡិកាឲ្យកាន់តែប្រសើរឡើង។

មិនត្រឹមតែប៉ុណ្ណោះ បងប្អូនត្រូវដឹងពី ប្រភេទនាឡិកាដែលខ្លួនប្រើប្រាស់ ថាវាជាប្រភេទនាឡិកាស្វ័យប្រវត្តិ ឬនាឡិកាឆ្លាតវៃ ដោយសារប្រភេទនីមួយៗតែមានគុណសម្បត្តិ និងគុណវិបត្តិរៀងៗខ្លួន។

ចុចមើលវីដេអូបន្ថែម៖ https://www.facebook.com/watchempirecambodia/videos/3602724149988981