នៅក្នុងសតវត្សទី២១នេះ ភាពផ្លាស់ប្ដូរនៃរសនិយមរបស់ម្នាក់ៗគឺមានការប្រែប្រួលយ៉ាងខ្លាំង។ មនុស្សជាច្រើនបានងាកមកចាប់អារម្មណ៍នូវការតុបតែងខ្លួនបែបស៊ីវីល័យនិងការស្លៀកពាក់នូវសម្លៀកបំពាក់ដែលបង្ហាញនូវរាងរៅរបស់គេ។ តាមការកត់សម្គាល់របស់We Talkបានរកឃើញថា បច្ចុប្បន្ននេះមិត្តនារីជាច្រើនងាកមកតុបតែងខ្លួនយ៉ាងស្រស់ស្អាតជាមួយម៉ូតអាវមួយប្រភេទដែលមានសភាពខ្លីលើចង្កេះ ដែលគេស្គាល់យ៉ាងច្បាស់ថាវាជាប្រភេទអាវ Crop Top Style។
ជាការពិតណាស់អាវបែប Crop Top Style គឺជាស្ទាយដ៏ល្បីល្បាញបំផុតនៅក្នុងឆ្នាំ២០២១នេះ។ មនុស្សជាច្រើនគិតថាវាជាស្ទាយដែលទាក់ទាញនិងងាយស្រួលពាក់ហើយជាស្ទីលបែបថ្មីថែមទៀតផង។ ទោះបីជាស្ទីលមួយនេះកំពុងផ្ទុះការគាំទ្រនៅឆ្នាំនេះក៏ដោយ ក៏ប៉ុន្តែវាមិនមែនជាស្ទីសថ្មីដែលទើបនឹងបង្កើតឡើយ មានន័យថា Crop Top Style ត្រូវបានបង្កើតឡើងតាំងពីយូរណាស់មកហើយ។ តើ Crop Top Style មានប្រវត្តិយ៉ាងដូចម្ដេចទៅ?
តាមការស្រាវជ្រាវរបស់We Talk បានបង្ហាញថា ប្រវត្ដិសាស្ដ្រដំបូងនៃ Crop Top Style ទាក់ទងគ្នាជាមួយនឹងទស្សនៈវប្បធម៌ដោយចាប់ផ្តើមពីការសម្តែងរបស់“ អេហ្ស៊ីបតូច” នៅឯពិព័រណ៍ពិភពលោកនៅទីក្រុងឈីកាហ្គោឆ្នាំ ១៨៩៣ ។ Crop Top Style ទទួលបានភាពលេចធ្លោដំបូងគេនៅក្នុងឧស្សាហកម្មម៉ូដអំឡុងទសវត្សឆ្នាំ ១៩៣០ និង ១៩៤០។ វាត្រូវបានគេកំណត់ភាគច្រើនជាសម្លៀកបំពាក់ហែលទឹកនៅពេលនោះ។ រហូតមកដល់ចុងទសវត្សឆ្នាំ ១៩៦០ និងដើមទសវត្ស ១៩៧០ ដែលវាទទួលបានការទទួលស្គាល់ជាទូទៅដែលពាក់ដោយតារាល្បី ៗ ដូចជាបាបារ៉ាអេដែន និងជេនប៊ឺគី។
Little Egypt (dancer)
នៅទសវត្សឆ្នាំ ១៩៨០ Crop Top Style បានក្លាយជារឿងធម្មតា និងជាលទ្ធផលនៃប្រជាប្រិយភាពរបស់ខ្សែភាពយន្ត Flashdance ។ តារាចម្រៀងម៉ាដូណាបានពាក់សំណាញ់ខាងលើនៅក្នុងវីដេអូចម្រៀងរបស់នាងសម្រាប់បទចំរៀង "ឡាក់គីស្តារ" ។ នៅទសវត្សឆ្នាំ ២០១០ Crop Top Style បានរស់ឡើងវិញដោយសារប្រជាប្រិយភាពនៃម៉ូដឆ្នាំ១៩៩០ ហើយវានៅតែមានប្រជាប្រិយភាពនៅទសវត្សឆ្នាំ ២០២០ និងបានបន្តភាពល្បីល្បាញទូទាំងពិភាពលោក។
Crop Top Style អាចពាក់បានជាមួយស្ទាយសម្លៀកបំពាក់ច្រើនប្រភេទ។ វាអាចពាក់ជាមួយខោខោប៊ូយវែងឬខ្លី សំពត់វែងឬខ្លី ជាពិសេសជាងនេះទៅទៀតវាជាប្រភេទអាវដែលមិនរើសរូបរាងអ្នកពាក់ឡើយទោះបីអ្នកមានមាឌធំឬស្គមក្ដី។ Crop Top Style ជួយអោយអ្នកមានភាពជឿជាក់ជាមួយរូបរាងរបស់អ្នកនិងជួយបង្កើនសម្រស់របស់អ្នកថែមទៀតផង។
តោះប្រញាប់ផ្លាស់ប្ដូរស្ទីលរបស់អ្នកជាមួយ Crop Top Style ពីពេលនេះទៅ។
