តើអ្នកធ្លាប់ចាប់អារម្មណ៍ដែរឬទេថាហេតុអ្វីបានជាម៉ាកល្បីៗមួយចំនួនធំលក់ផលិតផលនៅក្នុងតម្លៃទាប? តើផលិតផលទាំងនោះជាផលិតផលពិតដែរឬទេ? ហើយអ្នកជឿទុកចិត្តដែរអត់ ប្រសិនបើក្រុមហ៊ុនផ្ទាល់ជាអ្នកលក់ផលិតផលទាំងនោះក្នុងតម្លៃទាបដោយផ្ទាល់ដៃរបស់ពួកគេ?
ការលក់ផលិតផលពីក្រុមហ៊ុនដើមក្នុងតម្លៃទាបបែបនេះហៅថាផលិតផល
OUTLET (អោតលេត)។ផលិតផល
OUTLET (អោតលេត) គឺជាផលិតផលពិត(Original)ដែលក្រុមហ៊ុនបានបញ្ចេញលក់ក្នុងតម្លៃទាបបំផុតព្រោះថាផលិតផលទាំងនោះគឺជាខលលិចសិនឬម៉ូតដែលហួសរដូវកាលរបស់វា
ដែលអាចយល់ខ្លីៗថាវាជាម៉ូតចាស់ៗ។
អ្នកប្រហែលជាពិបាកនឹងជឿជាក់ថាផលិតផលពិតដែលមានតម្លៃរាប់រយ ឬ រាប់ពាន់
ឬដែលហៅថាម៉ាកល្បីៗលក់ក្នុងតម្លៃទាបខ្លាំងដែលខុសពីតម្លៃលក់ធម្មតារបស់ពួកគេ។
អតិថិជនអាចគិតថាវាជាផលិតផលចម្លង តែផ្ទុយទៅវិញវាគឺជាផលិតផលពិត។
ទោះបីជាយ៉ាងណាក៏ដោយ
ម៉ូតចាស់ក៏នៅតែជាផលិតផលដែលមានគុណភាព ព្រោះវាត្រូវបានផលិតនិងរចនាអោយក្រុមហ៊ុនតែមួយ។ការជម្រុះម៉ូតចាស់ៗក្នុងតម្លៃទាបមិនមែនជារឿងអាក្រក់នោះទេ
តែវាជារឿងល្អដែលម៉ាកឬក្រុមហ៊ុនអាចនាំយកម៉ូតថ្មីមកសម្រាប់អតិថិជនដែលចូលចិត្តដេញសេរីថ្មីៗហើយអាចផ្ដល់នូវផលិតផលដែលមានតម្លៃសមរម្យសម្រាប់អតិថីជនផ្សេងទៀតដែលប្រាថ្នាទិញម៉ូតដែលធ្លាប់មានតម្លៃខ្ពស់។
ជាក់ស្ដែងម៉ាកល្បីៗជាច្រើនដែលមានហាងអោតលេត
(Outlet Store) ដូចជា Christian Dior, Michael Kors, Prada,
Gucci និងម៉ាកល្បីៗជាច្រើនទៀតផងដែលមានទីតាំងនៅ La Vallée
Village ក្បែរទីក្រុង Parisហើយក៏មាន៤តំបន់ផ្សេងទៀតក្នុងប្រទេសបារាំងដែលមានហាងអោតលេត (Outlet Store) របស់ម៉ាកល្បីៗទាំងនេះ
រួមទាំងមានទីតាំងជាច្រើននៅបណ្ណាប្រទេសផ្សេងៗថែមទៀតផង។